কোৱিন গ্লোবেল কনক্লেব ২০২১দা প্রধান মন্ত্রীনা ঙাংখিবা ৱারোল

 প্রধানমন্ত্রীগী লোইশঙ

কোৱিন গ্লোবেল কনক্লেব ২০২১দা প্রধান মন্ত্রীনা ঙাংখিবা ৱারোল

Posted On: 05 JUL 2021 3:27PM by PIB Imphal

মশক নাইরবা মন্ত্রীশিং, সেনিয়র ওফিসরশিং, হেল্থ প্রোফেস্নেলশিং অমসুং মালেম অসিগী তোঙান তোঙানবা মফম পুম্নমক্তগী শরুক য়ারিবা মরুপশিং,

খুরুমজরি!

কোৱিন গ্লোবেল কনক্লেব অসিদা মালেম অসিগী তোঙান তোঙানবা লৈবাকশিংদগী এক্সপর্ত কয়া অমনা শরুক য়াখিবা অসিদা ঐহাক য়াম্না নুংঙাইবা ফাওজৈ৷ থৌরম অসি হৌরকপা মতমদা, মালেম অসিগী লৈবাক পুম্নমক্তা লাইনা-লাইচৎ অসিনা মরম ওইরগা মীওই কয়াগী পুন্সি লোইখিবা অসিদা ঐহাক্না থমোই শেংনা নুংঙাইতবা ফোংদোকচরি৷  চহি চাশিংদা অসিগুম্বা লাইনা-লাইচৎ অসিগা মান্ননা থোকখিবা লৈত্রি৷ মপাঙ্গল লৈরবা লৈবাক অমা ওইদুনসু অসিগুম্বা মতম অসিদা লৈবাক অমনা তোখায় তাইনা অসিগুম্বা চেলেঞ্জ অসি থেংনবা ঙম্লোই হায়না এক্সপরিয়েন্সনা উৎলি৷ কোবিদ-১৯ লাইনা-লাইচৎ অসিদগী খ্বাইদগী চাওনা তমহৌবা পরা অদুদি হ্যুমেনিতী অমসুং হ্যমেন কোজকীদমক, মালেম অসিদা লৈরিবা ঐখোয় পুম্নমক অমতা ওইনা থবক তৌমিন্নবা অমসুং অমতা ওইনা খুৎশম্নদুনা চংশিনমিন্নবা দরকার ওই৷ ঐখোয়গী খ্বাইদগী ফরবা প্রেক্তিসশিং অসিগীদমক ঐখোয় মশেল অমনা অমদগী অফবা মতৌ তম্নগদবনি অমসুং অমনা অমবু লমজিংবিগদবনি৷ লাইনা-লাইচৎ অসি হৌরকপা মতমদগী হৌদুনা, লানফম অসিদা ভারতনা ঐখোয়গী এক্সপরিয়েন্স, এক্সপর্তাইস অমসুং রিসোর্চশিং অসি মালেমগী কম্ম্যুনিতীদা সেয়র তৌখ্রে৷ অয়েৎপা খুদোংচাদবা পুম্নমক লৈদুনসু, ঐখোয়না মালেম অসিদা ঐখোয়গী অঙম্বা থাক অমদা সেয়র তৌনবা হোৎনখ্রে৷ অমসুং, ঐখোয়না গ্রোবেল প্রেক্তিসশিং অসিগী মতৌ তমহৌনবা লেংদনা লৈরি৷

মরুপশিং,

ঐখোয়না কোবিদ-১৯ লাইচৎ অসি লান্থেংনবদা তেক্নোলোজী অসি য়াম্না মরু ওইবা শরুক ওইরি৷ লাইবক ফবদগী, সোফতৱেয়র হায়রিবা এরিয়া অসিদা রিসোর্চ কন্সত্রেন্ত অমতা লৈতে৷ মরম অদুনা অথুবা মতমদা তেক্নিকেল্লী ফিসিবল ওইরকখিবা মতমদা ঐখোয়গী কোবিদ ত্রেক্কিং অমসুং ত্রেসিং এপ ওপন সোর্চ ঐখোয়না শেমখিবনি৷ য়ুজর মিলিয়ন ২০০রোম লৈদুনা, মসিগী 'আরোগ্য সেতু' এপ অসি দিবলপরশিংগী ওইনা লৈরিবা পেকেজ অমনি৷ এপ অসি ভারত্তা শিজিন্নদুনা, স্পীদ অমসুং স্কেলগীদমক  রিএল ৱার্ল্দদা তেস্ত তৌখ্রে হায়বসি  নখোয়না খঙগদবনি৷

মরুপশিং,

মীওইবা জাতিনা লাইনা-লাইচৎ অসিদগী মাই পাক্না লান্থোক্নবা হোৎনবদা ভেক্সিন কাপ্পা অসিনা খ্বাইদগী ফবা খোঙথাং ওইরি৷ হৌরকপা মতমদগী হৌদুনা, ভারত্তা লৈরিবা ঐখোয়না ঐখোয়গী ভেক্সিনেসন স্ত্রাতিজি প্লান তৌদুনা মপুং ফারবা দিজিতেল এপ্রোচ অমা শিজিন্ননবা ৱারেপখি৷ ঙসিগী গ্লোবেলাইজ ৱার্লদ অসিদা, লাইনা-লাইচৎ অসি লৌইরবা মতুংগী পুন্সি অসি হান্নগী মতৌগুম্না অমুক হন্না হঞ্জিনহনগে হায়বা তারবদি, অসিগুম্বা দিজিতেল এপ্রোচ অসি য়াম্না মরু ওই৷ অসিগীসু মথক্তা, মীয়ামশিংনা মখোয় মশা অসি ভেক্সিন কাপখ্রে হায়না প্রুব তৌবা ঙমগদবনি৷ অসিগুম্বা প্রুব অসি সেফ, সেক্যুর ওইবা অমসুং থাজনিংঙাই ওইহনগদবনি৷ মীয়ামশিংনা মখোয় মশা অসি করম্বা মতমদা, করম্বা মফমদা অমসুং কনানা ভেক্সিন অসি কাপখিবগে হায়বগী রেকোর্দ অসি শোইদনা খঙগদবনি৷ ভেক্সিন দোজ অমগী মগুন অসি কয়ামুক লৈবগে হায়বসি খঙহল্লদুনা, দোজ খুদিংমক ত্রেক তৌনবা অমসুং মাংলিবা দোজকী চাং অসি হন্থনবা সরকারশিংনসু য়াম্না কন্না হোৎনরি৷ হায়রিবা পুম্নমক অসি এন্দ-তু-এন্দ দিজিতেল এপ্রোচ য়াওদনা মাই পাকপা ঙম্লোই৷

মরুপশিং,

ভারতকী সিবিলাইজেসন্না মালেম পুম্বা অসি ইমুং-মানুং অমগুম্না খল্লি৷ মসিগী লাইনা-লাইচৎ অসিনা ফিলোসোফী অসিগী মরু ওইবা অচুম্বা ৱারোল অদু মীওই কয়া অমদা খঙহনখ্রে৷ মরম অদুনা, কোবিদ ভেক্সিনেসনগীদমক লৈরিবা ঐখোয়গী তেক্নোলোজী প্লেতফোর্ম – ঐখোয়না কোৱিন হায়না খঙনরিবা প্লেতফোর্ম-  অসি ওপন সোর্চ ওইহন্নবা শেম্লিবনি৷ অথুবা মতমদা প্লেতফোর্ম অসি ময়াম পুম্নমক্তা অমসুং লৈবাক পুম্নমক্তা ফংহল্লগনি৷ ঙসি পাংথোক্লিবা কনক্লেব অসি মসিগী প্লেতফোর্ম অসি নখোয় ময়ামদা খঙহন্নবগী অহানবা খোঙথাংনি৷ মসিগী প্লেতফোর্ম অসিদা ভারতনা কোবিদ ভেক্সিন দোজ মিলিয়ন ৩৫০গী চাংদা কাপখ্রে৷ হৌখিবা নুমিৎ খরনি অসিদা, ঐখোয়না নোংমদা মীওই মিলিয়ন ৯রোম ভেক্সিন কাপখি৷ প্রুব তৌননবা মখোয়না চে-চাং পুবগী দরকার ওইদে৷ মরী লৈনবা পুম্নমক দিজিতেল ফোর্মেত্তা ফংলি৷ অদুবু ময়ামদগী খ্বাইদগী ফবা ওইনা, সোফতৱেয়র অসি মখোয়গী লোকেল রিক্বেয়রমেন্তশিংগী মতুং ইন্না লৈবাক অমা হেক্তনা শেমদোকপা য়াই৷ ঙসি পাংথোক্লিবা কনক্লেব অসিদা নহাক্না তেক্নিকেলগী ওইবা অকুপ্পা মরোলশিং খঙবা ঙম্লগনি৷ থবক অসি নখোয়না হৌবা পাম্লম্লগনি হায়না ঐনা থাজৈ৷ অমসুং মসিগীদমক নখোয়না মতম ঙাইদুনা লৈবা অসি ঐনা পামদে৷ মরম অদুনা, ঙসি য়াম্না প্রদক্তিব ওইনা খন্ন-নৈনখিবা অসিগীদমক নখোয় ময়াম পুম্নমকপু ঐনা য়াইফ-মঙ্গোল পীরদুনা ঐগী ৱারোল অসি লোইশিনজরগে৷ 'পৃথিবী অমা, হকশেল অমা' হায়বা এপ্রোচ অসিনা লমজিংলদুনা, মীওইবা জাতিনা লাইনা-লাইচৎ অসি শোইদনা লান্থোক্লগনি৷

ময়াম্বু থাগৎচরি৷

ময়াম্বু হাইনিংঙাই লৈতনা থাগৎচরি৷